انا عايز جنيه



انا عايز جنيه
I Want pounds

انا عايز جنيه









اذ كنت بتقلب واتفسح في القنوات فلقيت الشيخ حسين يعقوب قائلا : 


متصلي عليه

عليه افضل الصلوات والسلام  .


واذ اخذ يحكي قصه :

كان عندنا راجل شيخ محترم جدا الله يباركله كان بيروح يدي دروس في مناطق متعدده 

ف في مره كان رايح حته بعيده اقرب للصحراء  وكان الدرس انتهي في وقت متاخر من الليل شويه 

وعرض عليه الشباب يوصلوه والعربيه وكده وكان بيشكرهم انت عارف في ناس تحب الناس تتحايل عليها وكده 

واذ وهو واقف في الصحراء .بيحط ايده في جيبه ملقاش معاه ولا نكله .وهو في وسط صحرا 

وكل ما يحتاجه هو جنيه واحد عشان يركب بيه  ويروح .

فقال يا رب انا عايز جنيه بس اروح بيه .

فبيتأكد من جيبه بيشوف الفلوس فلقى الجنيه

"استني مش هنا الزتونه ولا هنا العبره كمل القصه"

فوقف بالجنيه في الصحرا .في وقت متاخر من الليل .

وفضل واقف بالجنيه ساعتين 

راح باصص للسما وقال "يا رب انا عايز اروح مش عايز جنيه !"

انتهت القصه لم يكمل الشيخ حصله ايه بعد ما دعى  

ولكن العبره هي ان لا تسأل الله الاسباب ولكن اسأله المطلوب 

فرضا انت غارق في ديون وهتتحبس بكره الظهر 

لا تدعوا الله  طالبا انه يخليك تشتغل عشان تجيب الفلوس عشان تعمل جمعيه عشان تعرف تسدد جزئ من ديونك

طب ما تدعوا الله ان يسددلك ديونك  ابسط واسهل .

قد ينتابك نوع من "الاخذ بالاسباب" لما اقولك ادعوا الله حيث ان موضوع دعوه الله اتاخد عندنا في المجتمع انه حاجه بتدل علي العجز التام وان الموضوع ده مش هيتم 

واحد مثلا واقع في مشكله فراح يتوسط لحد فقاله يا عمي قول يا رب !!.

يعرف ان الموضوع مش هيتم 

للاسف ثقافتنا انهت موضوع الدعوه .

ولكن انا هقولك حاجه .

ابليس "البيج بوص" بتاع الكفر والعصيان  دعى الله فاستجاب له !!

شوف ابليس !!! الي بيساعدك تعمل كل البلاوي .دعى الله فاستجاب له !

قَالَ رَبِّ فَأَنْظِرْنِي إِلَى يَوْمِ يُبْعَثُونَ (36) قَالَ فَإِنَّكَ مِنَ الْمُنْظَرِينَ (37) سوره الحجر

اذا لما ابليس يدعوا لله فيستجيب له  

مبالك انت يا غلبان  

وبعدين مش محتاج اؤكدلك واعديلك ميت مره عن استجابه الله للدعاء 

ومش محتاج اذكرلك الايه الكريمه : "وَقَالَ رَبُّكُمُ ادْعُونِي أَسْتَجِبْ لَكُمْ" غافر 60

او الايه الكريمه " وإذا سألك عبادي عني فإني قريب؛ أجيب دعوة الداع إذا دعان" البقره 183

امال ليه ربنا مبيستجبلكش 

"بدعي ربنا كتير ومبيستجبش" 

اول حاجه : اديك قولت بدعيه كتير مش علي طول .اذا انت بتجرب مع ربنا .

زي ما تبقي عايز تخلص بطاقه وتروح لوزير الداخليه وقوله شوف كده لو هتعرف تعملها !

سبحان الله وبيده ملكوت الدنيا وانت عايزلك حاجه بسيطه في الدنيا .وبتجرب تدعي ربنا لعل وعسى يستجيب .

اذا انت بتجرب مع ربنا 

ثاني حاجه :  يا رب عايز طياره .وانت مبتعرفش تطير .هتاخدها ليه .اذا هناك حكمه من عدم استجابه الدعاء هو استجيب.ولكن 

عقلنا البشري البسيط لا يستطيع ان يدرك حكمه الله الواسعه

مثال :بابا عايز مصاصه وابوك عارف ان المصاصه بتضرك في 

سنانك فمبيجبهالكش مع انه قادر علي انه يجبهالك ومش غضبان 

عليك ولكن هناك حكمه

ولله المثل الاعلى

اذا يجب ان تكون واثقا كل الوثوق والايمان حينما تدعوا الله سبحانه وتعالي

وان تدرك ان لم ترى ما في ارادتك في تحقيق الاستجابه من الدعاء فاعلم انها لحكمه من الله لا يدركها عقلك

وادعوا الله في كل شيء

كان الصحابه يسألون الله ملح العجين وحياكه نعل الحذاء

تخيل لو عايز حبه ملح تقول يا رب عايز حبه ملح

واطلب كيفما تشاء فانت تطلب من خالق كل ما تشاء

اسأل الله ان يجمعني بيكم في جنه الخلد في الفردوس الاعلى



منقول للافادة للجميع



اضف تعليق الان

ليست هناك تعليقات :

اكتب تعليقك او اقم بعمل اهداء للــــ بتحبه يلا بسرعة اسبقه